Criatura na mi pecho

>



Because of my love for our local language, and the scarcity of books that have been translated to it, I am dedicating myself to expressing my two loves, breastfeeding & Papiamento!

Here are some poems 'criollo' style, hand written and heartfelt, from yours truly...

Enjoy..............






Un amor, bondadoso, un laso fuerte mane herro, 
Consuelo, liquido foi mi pecho. Mane mi amor mi ta brindi, na abo mi ta rindi. 
Na e emocion entre nos dos, e laso sin igual, incomparabel. 
E uno a bira dos, pero ora na pecho, e dos ta bira uno, un individual
No tin mas mihor, no tin mas facil cu duna pecho na bo yiu, no tin mas natural...



Uno
Ruman, ruman, naci ayera
Bo sa kiko ta hasimi fuerte, Y alabes, ta bon pa nos tera?
Mami su lechi, esun den bo boca
Manera un symfonia pa bo curason, cu ta keda toca

Ruman! Ruman! No bebe tur! Laga algo pami, prome cu bira scur
Mami ta bisa, 'e baby prome', ami no ta worry, mi ta warda cu pasenshi te despues
Ruman! Ruman, laga nos comparti, na un banda abo, y na e otro, ami!
Esta dushi pa sinta ki nan, ta bebe lechi foi mami, huntu cu mi ruman!


Dos


Criatura chikito, den mi scochi sinta,
Bebe trankilo, tami cubo so ta lanta
Mi holoshi ta lew, ken ta wak tempo?
Tami cubo so, gosando den nos momento

Banda di mi bo ta drumi, mash dushi mes,
Keto den mi brasa,

Tres


Den cama drumi, abo cumi,
Net ora bo a lanta, cu mi man mi a bai pa caricia
Bin serka, serka pa bo scucha mi curason
Cu mi pecho nan mi ta criabo, e mihor alimentacion

Sosega un rato, abo cu mami,
Deno nos mundo nos ta, solamente abo y ami
Tuma foi mi pecho, lechi y consuelo
Ban sigi un tradicion di bo welo y bisabuelo

Cuatro

Riba bus, of na lama
Riba mi cama, of den nos cura
Den un tienda of rondona pa famia
Ora mi cai, y ora mi bai
Ora mi bin, ki ora cu tin
Mami su lechi, mescos cu amor, semper disponibel y yen di calor!

Cinco


Mi por conta! Bo kier sa cuanto aña mi tin?
4 aña, yegando su fin!
Bo sa kiko toch mi gusta mas cu mangel of ijs-cream?
Pa bebe cerca mami, ta lechi tin!

Ah esta dushi, simplemente no por compara!
Ni kiko nan ofresemi, e no por iguala!
Kiko nas mi por kier, y kiko mi merece?
Sinta keto den brasa di mi mama, na pecho ta gos'e!

0 comments: